Америкийн төрийн департаментын орлогч төлөөлөгч Том Кайси 30-ны өдөр хэлэхдээ, 2-р сарын 8-ны өдөр Бээжинд хийлгэхээр товлоод байгаа Солонгосын хойгийн цөмийн асуудлаархи 6 талын 5 дахь хэлэлцээний 3-р шатны хурал нь бодит ахицтай болохыг Америк хүсч байна гэжээ.

     Том Кайси хэвлалийн бага хурал дээр хэлэхдээ, Америк Солонгосын хойгийн цөмийн асуудлыг зохицуулах асуудлаар холбогдох талуудтай олонтоо зөвшилцөөн хийсэн юм, энэ удаагийн хэлэлцээ нь зорилгодоо хүрч, зарим талаар бодит ахицтай болохыг Америк хүсч байна гэжээ.

     Эх сурвалжийн мэдээнээс үзвэл, Америкийн сангийн яамны сайдын туслах Даниел Гласер болон Хойд Солонгосын худалдааны банкны ерөнхийлөгч О Гван Чол 30-ны өдөр Америкаас Хятадад суугаа элчин сайдын яамд Америк Хойд Солонгосын банк санхүүгийн асуудлаар зөвшилцөөн хийсэн байна. Америк Хойд Солонгосын банк санхүүгийн асуудлын зөвшилцөөн нь 6 талын хэлэлцээнд харш саадыг арилгах зорилготой юм гэж шинжээчид үзэж байна. \Буян орчуулж,Урангоо хянав.\