БНСУ-д айлчилж байгаа Солонгосын хойгийн цөмийн асуудлаарх зургаан талт хэлэлцээний Америкийн төлөөлөгчдийн тэргүүн, төрийн нарийн бичгийн даргын орлогч Кристофер Хилл 4-ний өдөр хэлэхдээ, Америк болон Өмнөд Солонгос зургаан талт 4 дэх хэлэлцээний хамтын мэдэгдлийг хэрэгжүүлэхтэй холбогдуулан эхний шатанд авах арга хэмжээний асуудал дээр санал нэгдсэн байна гэжээ.

       Хилл мөн өдөр зургаан талын хэлэлцээний Өмнөд Солонгосын төлөөлөгчдийн тэргүүн Чун Ён Вотой хэлэлцээ хийсний дараа хэвлэлийнхэнд хандан хэлэхдээ, БНАСАУ-д зохих арга хэмжээ авах асуудлаар Америк, БНСУ санал зөрөлдөөнгүй гэжээ.

        Чун Ён Во хэлэлцээний дараа хэлэхдээ, дараачийн шатны хэлэлцээний стратегийн асуудлаар Америк, БНСУ эцсийн зохицуулалт хийж, хоёр тал нийтлэг ойлголтод хүрсэн гэжээ./Урангоо орчуулж, Э.Цогзолмаа хянав/