Хятад улс болон Өмнөд Африк 6-ны өдөр Өмнөд Африкийн захиргааны нийслэл Преторид хамтарсан албан мэдээ нийтэлж, стратегийн өндөрлөгөөс хоёр орны харилцаанд хандаж, харилцааг хөгжүүлж, хоёр орны харилцааг цаашид ахиулахаар хамтаар чармайхад хоёр тал санал нэгдэв гэж тэмдэглэжээ.

     Хамтарсан албан мэдээнд тэмдэглэхдээ: дээд хэмжээний хэлхээ холбоогоо хэвээр байлгахыг хоёр тал зөвшөөрч, хоёр талын болон харилцан сонирхож байгаа олон улс, бүс нутгийн асуудлаар санал бодлоо өргөнөөр солилцож, харилцан итгэлцэл тогтоож, хамтын ашиг сонирхолд тус дөхөм үзүүлнэ. Хоёр тал улс орны хоёр талын комиссын үүргийг бүх талаар гүйцэтгүүлж, хоёр талын харилцааг ахиулах чухал механизм болгоно. Хоёр тал тэнцвэртэй, харилцан хөнгөлөлттэй худалдааны харилцааг баталгаажуулсаны үндсэн дээр хоёр талын худалдааг өргөтгөхийг урамшуулна. Хоёр орны компаниуд нөгөө орондоо худалдааны нөөц боломж хайхыг урамшуулна гэжээ.

     Хамтарсан албан мэдээнд тэмдэглэхдээ: НҮБ, Дэлхийн худалдааны байгууллага зэрэг олон улсын байгууллагад хэлхээ холбоо, хамтын ажиллагаагаа хэвээр байлгаж, хөгжлийг ахиулж, ядуурлыг бууруулах, бүс нутгийн мөргөлдөөн зэрэг чухал чухал асуудлаар байр сууриа гүйцэд зохицуулж, хөгжиж байгаа орнуудын эрх ашгийг хамтаар хамгаалахаар хоёр тал шийдэв гэжээ. /Баясгалан орчуулж Э.Цогзолмаа хянав/