Москвагийн олон улсын аялал жуулчлалын 2 дахь яармаг 19-ний өдөр албан ёсоор эхэллээ. Мөн өдрийн яармагийг Хятадын өдөрлөг болголоо гэж Оросын аялал жуулчлалын ажил хариуцсан газар мэдэгджээ.

      Орост болж байгаа "Хятадын жил"-ийн арга хэмжээний Хятадын талын хэвлэлийн төвийн дарга Дин Шяомин мөн өдөр уг яармагт Хятадын өдөрлөг зохиосныг сайшаасан байна. Тэрээр хэлэхдээ, уг яармагт Хятадын өдөрлөг зохиосон нь маш их ач холбогдолтой юм, "Хятадын жил"-ийн арга хэмжээний хүрээнд хүрсэн үр дүнг ахиулан хоёр орны аялал жуулчлалын салбарын хамтын ажиллагаа нэн ахицтай хөгжихийг хүсч байна гэжээ.

      Хятадын аялал жуулчлалын үндэсний газар 200 гаруй бие бүрэлдэхүүнтэй төлөөлөгчид зохион байгуулж уг яармагт оролцсон байна. Үүнд 20 гаруй муж хот өөртөө засах районы 60 гаруй аялал жуулчлалын болон аж ахуйн нэгж оролцжээ. Хятадын хэсгийн нийгэм соёл болон байгалийн үзэмжийн их хэмжээний зар сурталчилгаа нь хүмүүсийн анхаарлыг их татсан байна. \Уртнасан орчуулж, Э.Цогзолмаа хянав.\