Японы өөрийгөө хамгаалах тэнгисийн хүчин, Америк Энэтхэгийн тэнгисийн цэрэг 16-ны өдөр Японы төв хэсгийн Босо арлаас ойролцоохь номхон далай дээр анхны хамтарсан цэргийн сургууль хийлээ.
Японы өөрийгөө хамгаалах тэнгисийн хүчний 4 сөнөөгч хөлөг онгоц, Америкийн тэнгисийн цэргийн Аегис гэдэг 2 сөнөөгч хөлөг онгоц, Энэтхэгийн тэнгисийн цэргийн 3 хөлөг онгоц уг цэргийн сургуульд оролцсон байна.

      Япон Энэтхэг тэнгис дээр олон удаа хамтарсан цэргийн сургууль хийж байсан боловч Америктай анх удаагаа гурван тал болж цэргийн сургууль хийж байгаа юм. Энэ нь уг гурван орны цэрэг армийн итгэлцлийг нэмэгдүүлэхийн төлөө юм гэж Японы албаны хүн хэлсэн байна. \Э.Цогзолмаа орчуулж, Баясгалан хянав\