Ази Европын Гадаад харилцааны сайд нарын 8 дахь бага хурал Германы Хамбург-д 29-ний өдөр өндөрлөлөө. Хятадын ГХЯ-ны сайд Ян Жечи 29-ний өдрийн хуралд үг хэлж, шинэ байдалд Ази Европын хамтын ажиллагааг ахиулах талаар үзэл бодлоо тодорхойлж, Ази Европын хурлын механизм тогтоосон 10 жилийн туршид олсон ахицыг нааштай үнэлсэн байна.

       Ази Европын хамтын ажиллагааг ирэх 10 жилд цаашид хөгжүүлэх талаар Ян Жечи: олон талт үзлийг ахиулах, улс төрийн яриа хэлцлийг эрчимжүүлэх, ажил хэрэгч хамтын ажиллагааг гүнзгийрүүлэх, дэлхийн эдийн засгийн тэнцвэртэй хөгжлийг ахиулах, түншлэлийн харилцааг батжуулах, эрчим хүчний аюулгүй байдлыг баталгаажуулж, цаг агаарын өөрчлөлтөөс болсон сорилтод үр ашигтай хандах, олон талтай байхыг хүндэтгэж, соёл боловсон яриа хэлцэл хийхийг ахиулах зэрэг санал дэвшүүлсэн байна.

       Ираны цөмийн асуудал, Солонгосын хойгт цөмийн зэвсэггүй болгох зэрэг асуудлаархи Хятадын байр суурийг Ян Жечи тодорхойлон өгүүлж, ирэх жилд Хятадын зохион байгуулах Ази Европын тэргүүн нарын бага хурлын бэлтгэл ажлын байдлыг танилцуулжээ./Баясгалан орчуулж Э.Цогзолмаа хянав/