Талибан орон нутгийн цагаар 30-ны өдрийн 20 цаг 30 минутын үеэр БНСУ-ын бас нэг барьцааны хүнийг хороов гэж Талибаны зэвсэгт бүлэглэлийн төлөөлөгч Юсуф Ахмади 30-ны орой хэлсэн байна.

      Тэрээр хэлэхдээ, барьцааны хүний тухай хэлэлцээний хугацааг Талибан хэдэн удаа хойшлуулсан, гэвч Афганистаны засгийн газар өнөөд хүртэл энэ хэлэлцээнд үнэнч санаа үгүй байна гэжээ. Талибаны хоригдлыг суллахыг тэрээр Афганистаны засгийн газарт дахин шаардсан бөгөөд эс тэгвэл барьцааны хүнийг мөн хороох болно гэж заналхийлав. Мөн өдөр хөнөөгдсөн хүн нь эрэгтэй хүн байсан бөгөөд Сүн Син гэсэн нэртэй юм байна. \Цэцэн орчуулж, Буян хянав\