ХАЧА-ын Тэнгисийн цэргийн "Шэньжэнь" хөлөг онгоц Японд айлчилж байгаад зориулан, Хятадаас Японд суугаа элчин сайдын яам 29-ний өдөр хүлээн авалт хийв.

     Хятадаас Японд суугаа элчин сайд Цүй Тянькай, "Шэньжэнь" хөлөг онгоцны командлагч, тэнгисийн цэргийн хошууч генерал Шао Шиньнянь, тэрчлэн тус хөлөг онгоцны 200 гаруй офицер дайчид болон элчин сайдын яамны бүх ажилтнууд хүлээн авалтанд оролцов. Хятад, Японы улс хоорондын харилцаа хэвийн болсны 35 жилийн ойн үеэр "Шэньжэнь" хөлөг онгоцны офицер дайчид Японд айлчилж байгаа нь маш чухал ач холбогдолтой юм. Энэ айлчлал нь хоёр орны хамгаалалтын харилцааг эрчимжүүлэн, хоёр ард түмний харилцан итгэлийг нэмэгдүүлж, хоёр орны харилцааны хөгжилд тус дөхөм үзүүлэх талаар идэвхтэй бөгөөд өвөрмөц үүрэг гүйцэтгэх болно гэж элчин сайд Цүй Тянькай хэлсэн байна. \Цэцэн орчуулж, Баясгалан хянав\