17-ны өдөр болсон "Нэгдсэн орос" намын төлөөлөгчдийн их хуралд, Оросын Ерөнхий сайдын нэгдүгээр орлогч Дмитрий Медведевийг Оросын ерөнхийлөгчид нэрийг нь албан ёсоор дэвшүүлсэн байна.

      Нэгдсэн орос намын дарга Борис Греизлов хэлэхдээ, Медведев ерөнхийлөгчийн ажлыг хийж чадна гэдэгт итгэж байна, Медведев ерөнхийлөгчид нэр дэвшигч болсны хувьд Нэгдсэн орос нам болон Шудрага орос нам, Оросын хөдөө аж ахуйн нам, Иргэний хүч намын дэмжлэгийг олсон төдийгүй бүх орос орны дэмжлэгийг олох болно гэжээ.

      Оросын Ерөнхийлөгч В.Путин их хурал дээр хэлэхдээ, хэрэв Медведев ерөнхийлөгчөөр сонгогдох юм бол өөрөө Засгийн газрын ерөнхий сайд болохд бэлэн байна гэжээ, үүний зэрэгцээ Ерөнхийлөгч болон Ерөнхий сайдын эрх үүргийг дахин хуваарлахыг сайшаахгүй гэж тэрээр бас илэрхийлсэн байна.\Уртнасан орчуулж, Буян хянав\