Америкийн "Атлантис" гэдэг сансрын хөлөг 20-ны өдөр Флорида муж улсын Кеннеди сансрын төвд аюулгүй сайхан газардаж, сансар огторгуй дахь 13 хоногийн нислэгээ амжилттай биелүүлсэн байна.

     Нийт 7 нисэгч тээсэн "Атлантис" гэдэг сансрын хөлөг нь Америкийн дорнод нутгийн цагаар 7-ны өдрийн үдийн хойно 2 цаг 45 минутад Флорида муж улсын Кеннеди сансрын төвөөс сансар огторгуйд амжилттай хөөрсөн байна.

      "Атлантис" гэдэг сансрын хөлгийн энэ удаагийн нислэгийн тэргүүн чухал үүрэг бол Европт үйлдвэрлэсэн 2 тэрбум ам.долларын үнэ цэнэ бүхий "Колумбус" туршилтын бүхээгийг олон улсын сансрын станцид хүргэх бөгөөд мөн угсрах ажлыг гүйцэтгэх гэсэн болно.\Буян орчуулж, Пэрлаймаа хянав\