Олон Улсын Олимпийн Хорооны ерөнхийлөгч Жакуес Рогге 23-нд Грегийн Олимпиад хэлэхдээ, Бээжингийн Олимпийн наадам нь нээлттэй Хятад орныг дэлхий дахинд нэн сайн ойлгуулж, үүний улмаар Хятад оронд нэн идэвхтэй өөрчлөлт буй болгох болно гэжээ.

      Жакуес Рогге 24-нд Олимпиад болох Бээжингийн Олимпийн наадмын ариун галыг асаах ёслолд оролцоно. Тэрээр нэг мэдэгдэлдээ, Хятад оронд Олимпийн наадмыг зохион байгуулснаар дэлхийн тавны нэг хувийн хүн ам нь Олимпийн наадамд биечлэн оролцож, Олимпийн наадмын үзэл санааг нэн өргөнөөр уламжлан дэлгэрүүлж болох юм. Олон Улсын Олимпийн Хорооны үүрэг зорилт бол бүх дэлхийн тамирчдад шударга өрсөлдөөний орон зай олгохын төлөө юм. Тэр нь улс төрийн байгууллага биш, нэн ч хэт даврах үзлийг сурталчлах байгууллага биш юм гэж онцолжээ.

      Жакуес Рогге хэлэхдээ, Олон Улсын Олимпийн Хороо нь Бээжингийн Олимпийн наадмын зохион байгуулах хороотой нягт хамтын ажиллагаагаа цаашид үргэлжлүүлж, Бээжингийн Олимпийн наадмын амжилтай зохиогдохыг баталгаажуулах болно гэжээ. \Э.Цогзолмаа орчуулж, Баясгалан хянав.\