Сүүлийн өдрүүдэд, гадаадад амьдарч байгаа Хятадын харьяат хятадчууд болон гадаадад сурч байгаа Хятадын оюутад үг хэлэх буюу үйл ажиллагаа зохиож, Бээжингийн олимпийн ариун галыг дамжуулах ажиллагааг харшлан эвдэх ажиллагаа хийж байгааг зэмлэн буруушааж, бодит үйл ажиллагаараа Бээжингийн олимпийн наадмыг дэмжнэ гэж илэрхийлсэн байна.

      Бээжингийн олимпийн наадам бол бүх дэлхийн чанартай биеийн тамирийн ажиллагаа мөн, олимпийн наадмын ариун галыг дамжуулах ажиллагаа хүндэтгэгдэн хамгаалаөгдах ёстой гэж Индонез дэх хятадчуудын байгууллагын нэрт зүтгэлтэн Фан Ваншинь тухайн орон нутгийн хэвлэл мэдээллийнхэнд хэлсэн байна.

     Оросын олон их дээд сургуульд сурч байгаа 400 гаруй хятад оюутан болон гадаадын багш оюутад Москвад гарын үсэг зурах ажиллагаа зохиож, Бээжингийн олимпийн амжилттай болохыг ерөөж, Олимпийн гал бамбар дамжуулах ажиллагааг харшилсан "Түвдийг тусгаар тогтнуулах" этгээдийн жигшүүрт ажиллагааг зэмлэн буруушаасан байна. \Пэрлаймаа орчуулж, Буян хянав\