Америкийн Сангийн яамны Хятадын хэргийн тусгай элч Алан Холмер 24-ний өдөр хэлэхдээ, эдийн засгийн стратегийн яриа хэлэлцээ нь Америк, Хятад хоёр орны харилцааг гүнзгийрүүлсэн байна. Энэ нь хоёр тал өргөн хүрээнд хамтын ажиллагааны амжилтад хүрэхэд тустай юм гэжээ.

     Холмер мөн өдөр Никсоны төвд үдийн зоог дээр илтгэл хийх үед хэлэхдээ, Америк, Хятадын дээд удирдагчдын санаачилсан эдийн засгийн стратегийн яриа хэлэлцээ нь алс холын үзэлттэй болохоор "эндүү ташаарал, буруу ойлголт"-ыг багасгахад ашигтай юм гэжээ.

     Эдийн засгийн стратегийн яриа хэлэлцээний бодитой ажил хэргийг хариуцсан Холмер тэмдэглэхдээ, эдийн засгийн иймэрхүү механизмаар дамжуулан Америк, Хятад хоёр орон агаарын тээврийн хэлэлцээр зэрэг олон чухал асуудлын зөвшилцөөнд амжилт хийсэн байна гэжээ. Яриа хэлэлцээ хийх явцад, Хятадын тал Америкийн эдийн засгийн холбогдох бодлогод тавьж байгаа анхаарлаа илэн далангүй дурдсан байна. Энэ нь хоёр талын шулуун шудрагаар санал солилцох яриа хэлэлцээ мөн, харин " нэг л талын хэлэлцээ " биш гэдгийг харуулж байна. \Урангоо орчуулж, Цэцэн хянав\