Бээжингийн олимпийн наадмыг амгалан тайван зохион байгуулахад батлагаа хангахын төлөө Пакистан Хятад улсад бүх хүчнээрээ туслалцаа үзүүлнэ гэж Пакистаны Ерөнхийлөгч Мушараф 26-ны өдөр илэрхийлжээ.

      Ерөнхийлөгч Мушараф мөн өдөр Хятадаас Пакистанд суугаа элчин сайд Лүэ Жаохүйтэй уулзах үед ингэж илэрхийлсэн юм.Тэрээр хэлэхдээ, Хятадын Засгийн газар Бээжингийн олимпийн наадмыг олимпийн түүхэн дэх хамгийн амжилтад хүрсэн спортын өргөн наадам болгон зохион байгуулах хүчин чадалтай гэдэгт миний бие бат итгэж байна. Олимпийн наадмыг улс төржүүлэхийг Пакистан эсэргүүцнэ. "Зүүн Түркистан"-ы террорист хүчинд цохилт өгч, Бээжингийн олимпийн наадмыг амгалан тайван урагштай болохыг баталгаажуулахад ямарваа туслалцаа үзүүлэхэд бэлэн гэжээ. \Урангоо орчуулж, Г. Сайн-Өлзий хянав.\