Хятадын Гадаад хэргийн сайд Ян Жэчи 28-ны өдөр Ваншингтонд Америкийн Төрийн нарийн бичгийн дарга Кондолиза Райстай хэлэлцээ хийлээ. Санал зөрөлдөөн болон эмзэг асуудлыг зүй зохистой зохицуулж Хятад, Америкийн бүтээлч хамтын ажиллагааны харилцааг үргэлжлүүлэн эрүүл саруул, тогтвортой хөгжүүлэхэд бэлэн байна гэж хоёр тал илэрхийлсэн байна.

      Ян Жэчи хэлэхдээ, Хятад, Америкийн харилцаа өнөө ерөнхийдөө тогтвортой хөгжих сайн сайхан байдалд байгаа. Энэ жил бол Америкийн их сонгуулийн жил, хоёр талд мөн Хятад, Америкийн дипломат харилцаа тогтоосны 30 жилийн ой тохиож байгаа учраас хоёр орны харилцаа залгамж хөгжлийн чухал үе шатандаа байна гэжээ. К.Райс хэлэхдээ, Наймын бүлгийн тэргүүн нарын бага хурлын үеэр хийсэн хоёр орны төрийн тэргүүний уулзалт чухал бөгөөд нааштай үр дүнд хүрсэн, үргэлжилэн Хятадын талтай хамтаар чармайж Хятад, Америкийн харилцааг хөгжүүлэхэд Америкийн тал бэлэн байна гэжээ.

      Ян Жэчи нь Бээжингийн олимпийн наадмын бэлтгэл ажлыг танилцуулав. Бээжингийн олимпийн наадам амжилттай болохыг Америкийн тал дэмжинэ гэж К.Райс хэлсэн байна./Хүчит орчуулж, Цэцэн хянав/