Тажикстанд айлчилж байгаа Хятад улсын Дарга Хү Жиньтао 27-ны өдөр Тажикстаны нийслэл Душанбед Тажикстаны Ерөнхийлөгч Емомали Рахмонтой хэлэлцээ хийж, Хятад, Тажикстаны харилцааг цаашид хөгжүүлэх асуудлыг авч хэлэлцлээ.

      Хятад, Тажикстаны сайн хөршийн найрсаг харилцаа, харилцан ашигтай хамтын ажиллагааг бүх талаар ахиулах, Шанхайн Хамтын Ажиллагааны Байгууллагын хүрээнд хамтын ажиллагаагаа эрчимжүүлэн бүс нутгийн энх тайван, тогтвортой байдлыг хамгаалах зэрэг талаар хоёр тал чухал тохиролцоонд хүрсэн байна.

      Хэлэлцэээний дараа, хоёр орны төрийн тэргүүн нар "Сайн хөршийн найрсаг харилцаа, хамтын ажиллагааг цаашид хөгжүүлэх тухай Хятад, Тажикстаны мэдэгдэл"-д хамтаар гарын үсэг зурж нийтэлжээ. \О.Дарамбазар орчуулж, Урангоо хянав.\