УТЗЗБХХ-ны дарга Жя Чинлинь орон нутгийн цагаар 23-нд Йорданы нийслэл Амманд Йорданы төлөөлөгчдийн танхимын дарга Абдул Хади Мажалитай уулзав.

      Жя Чинлинь хэлэхдээ, хоёр орны хамтын хүчин чармайлтаар, Хятад, Йорданы олон салбар дахь хамтын ажиллагаа түргэн хөгжиж байна. Хятадын гол ашиг сонирхолтой холбогдсон асуудал дээр, Йорданоос Хятадад дэмжлэг үзүүлсэн явдалд Хятадын тал талархаж байна гэжээ. Жя Чинлинь хэлэхдээ, Йорданы төлөөлөгчдийн танхим бол Хятад, Йорданы найрамдлын идэвхтэй оролцогч, ахиулагч мөн. УТЗЗБХХ нь Йорданы төлөөлөгчдийн танхимтай харилцаа, хамтын ажиллагаагаа эрчимжүүлж, хоёр талын харилцааг хөгжүүлэхийн төлөө хэлбэрэлтгүй чармайхад бэлэн байна гэжээ. \Э.Цогзолмаа орчуулж, О.Дарамбазар хянав.\