Хятад, Америкийн эдийн засгийн стратегийн 5-р яриа хэлэлцээнд оролцож байгаа Хятад, Америкийн өндөр тушаалын албаны хүмүүс хоёр орон бүтээгдэхүүний чанар болон хүнсний аюулгүй байдлын салбарт хамтын ажиллагаагаа эрчимжүүлэхийг хүслээ.

     Яриа хэлэлцээний Хятадын талын дарга, Хятад улсын дарга Хү Жиньтаогийн тусгай төлөөлөгч, Төрийн зөвлөлийн ерөнхий сайдын орлогч Ван Чишань хэлэхдээ, хоёр орон холбогдох салбарт өргөн дэлгэр хамтын ашиг сонирхолтой юм. Хоёр орны хүнсний бүтээгдэхүүн болон эм бэлдмэлд харилцан хяналт тавих байгууллага саяхан ажиллаж эхэлсэн. Энэ нь хоёр орны харилцан ойлголцол, итгэлцэлээ нэмэгдүүлж, бүтээгдэхүүний чанар, хүнсний аюулгүй байдлын түвшнийг хамтаар дээшлүүлэхэд ашигтай юм. Хоёр тал энэ боломжийг ашиглан, хэмжин шалгах, үйл явцад хяналт тавьж удирдах, мэдээлэл солилцох зэрэг талаар хамтын ажиллагаагаа цаашид эрчимжүүлэхийг хүсч байна гэжээ. \Урангоо орчуулж, Цэцэн хянав\