Израилийн арми 6-ны өдөр Газын зурваст цэргийн дайралтаа үргэлжлүүлжээ. Израилийн цэргийн Газын зурваст хийсэн газар дээрх дайралт ялагдсан гэж ХАМАС мөн өдөр тэмдэглэжээ.

     Израилийн танк мөн өдөр Газын зурвасын өмнөд нутгийн хамгийн том хот Хан Юнисад орсон бөгөөд Израилийн байлдааны онгоц мөн энэ хотыг бөмбөгдөв. 5 – 6-ны өдөр хүртэл НҮБ-ын Ойрхи Дорнодын Палестины дүрвэгсдийг авран туслах болон барилга байгуулалтын газрын Газын зурваст байгуулсан гурван сургууль Израилийн цэргийн дайралтад өртөж, нэг сургуулийн эндсэн хүний тоо 46-гаас давсан байна. Газын зурваст 48 цагийн дотор суурин утас, гар утас, сүлжээ зэрэг бүх холбоо тасрах болно гэж Палестины цахилгаан холбооны компани 6-ны өдөр сэрэмжлүүлсэн байна.

     Израилийн ерөнхий сайд Ехуд Олмерт 6-ны өдөр хэлэхдээ, Би олон орны удирдах хүмүүстэй холбоотой байж, Газын байдлыг дипломат арга замаар зохицуулах төсөл эрэн сүвэгчилж байна гэжээ.

     Мөн өдөр ХАМАС-ын өндөр зэргийн удирдагч Исмайл Ханеяа хэлэхдээ, Газар дээрх дайралт нь " булаан эзлэгчид" Газын зурвасын ард иргэдийг буулган авч чадахгүй гэдийг харууллаа. Израилийн цэргийн Газын зурвас дахь дайралт "ялагдав" гэжээ. \Сарантуяа орчуулж, Цэцэн хянав\