Ямайкад айлчилж байгаа Хятад улсын орлогч дарга Ши Жиньпин орон нутгийн цагаар 12-ны өдөр Кингстонд Ямайкийн дээд танхимын дарга Освалд Халдинг болон доод танхимын дарга Делрои Жуктай уулзсан байна.

      Ямайка бол Карибын бүс дэх Хятадын хамтын ажиллагааны чухал түнш юм. Хятад, Ямайкийн найрсаг хамтын ажиллагааны харилцааг хөгжүүлэх нь хоёр орон, хоёр ард түмний язгуур ашиг сонирхолд нийцэх юм гэж Ши Жиньпин тэмдэглэжээ.

      Эдийн засгийн байгуулалт болон олон улсын банк санхүүгийн хямралтай тэмцэж байгаа Хятадын туршлагаас суралцаж, парламент, соёл, биеийн тамир спорт зэрэг олон салбар дахь хоёр талын солилцоо, хамтын ажиллагааг цаашид нягтруулан, хоёр орны ард иргэдэд үр өгөөж хүртээхэд Ямайка бэлэн байна гэж Освалд Халдинг болон Делрои Жук илэрхийлжээ. Ямайка нэг Хятадын бодлогоо цаашид баримтална гэж тэд бас онцолсон байна. \О.Дарамбазар орчуулж, Баясгалан хянав.\