Солонгосын "Родон Синмун" сонины 15-ний өдрийн мэдээнд тэмдэглэхдээ, БНАСАУ-ын ардын арми нь орчин үеийн довтолгооны болон сэргийлэн хамгаалалтын хүчирхэг хүчин бүхий хувьсгалын зэвсэгт хүчин болж хөгжсөн тул Солонгосын социализм бат орших хүчинтэй юм гэж БНАСАУ-ын дээд удирдагч Ким Чеир саяхан ардын армийн их буут хүчний 1811-р ангид ажиллахдаа хэллээ гэжээ.

    Ким Чеир мөн өдөр их буут ангийн буудлагын дасгалжуулалтыг шалгаж үзсэн байлаа. Тэрээр уг хүчний ололт амжилтыг үнэлэн сайшаасан бөгөөд ардын армийн офицер дайчид маань улс төр үзэл санаа болон цэргийн техникийн талаар ямарваа дайсан этгээдийн довтолгооныг бут ниргэж, социалист эх орноо хамгаалах бүрэн бэлтгэл хийсэн байна гэж магтан сайшаажээ.

    Солонгосын ардын зэвсэгт хүчний яамны сайд Ким Ёнчүн, ардын армийн ерөнхий штабын дарга Лее Ён-хо нарын зэрэг хүмүүс нь Ким Чеир их буут ангийн буудлагын дасгалжуулалтыг шалгаж үзэхэд бараа бололцсон байлаа. \Э.Цогзолмаа орчуулж, Г. Сайн-Өлзий хянав.\