Францын Үйлдвэрчний том том эвлэл хамтран 19-ний өдөр бүх Францын олон газарт ажил хаялт болон жагсаал зохион байгуулж, өнөөгийн эдийн засгийн хямралыг зохицуулах явцад хөдөлмөрчдийн эрх ашиг болон нийгмийн асрамжийг үл ойшоосон засгийн газартаа эсэргүүцэл илэрхийлэв.

    Францын Дотоод хэргийн яамны нийтэлсэн бүртгэлийн тоо баримтаас үзвэл, мөн өдөр Францад нийт 200 гаруй ажил хаялт , жагсаал цуглаан болж, нэг сая 200 мянган хүн оролцсон байна. Францын Үйлдвэрчний эвлэлийн мөн өдрийн мэдээнээс үзвэл, нийт 3 сая хүн уг ажиллагаанд оролцсон байна.
Ажлын байр хангах, цалин хөлсийг нэмэгдүүлэх арга хэмжээ авч, тэтгэврийн мөнгийг нэмэгдүүлэн, нийгмийн асрамжийн хамгааллын системийг эрчимжүүлэхийг сүр үзүүлэгчид засгийн газартаа шаарджээ. Хямралыг зохицуулахад зөвхөн хөрөнгө мөнгөөр аж ахуйн нэгжүүдийг тэтгэх биш, мөн хөдөлмөрчдийн худалдан авах чадварыг нэмэгдүүлэн нийгмийн хэрэглээнд тус дөхөм үзүүлж, эдийн засгийн өсөлтөд сэдэлт өгөх ёстой гэж тэд дэвшүүлсэн байна.

    Засгийн газар хийх ёстой зүйлээ хийсэн, шинэ бодлого тогтоохгүй гэж Францын Ерөнхийлөгч Н. Саркози 18-ны өдөр илэрхийлжээ. \Цэцэн орчуулав\