4-р сарын 23-нд Рио Де Жанейро хотоос Синхуа агентлагийн сэтгүүлч Жао Янь, Чэнь Вэйхуа нарын мэдээлснээр, Саяхан Бразилийн Рио де Жанейро их сургуулийн эрдэмтэд цахирмаа цэцгийн DNA бүхий, хүчилтөрөгчгүй чихэрлэг хүчлийн бөөмийг илрүүлжээ. Хөдөө аж ахуйн хүнсний бүтээгдэхүүний хаягдлаас ургадаг иймэрхүү генийн хувирлын исгүүр маш өвөрмөц анхилуун үнэртэй байдаг гэнэ. Ийм өвөрмөц исгүүрийг ашиглан үйлдвэрлэсэн гоо саяхны барааг 2020 оны үед хэрэглэгчдэд хүргэх боломж ийнхүү бүрджээ.
Бразилийн "Сан Паоло" сонины мэдээлснээс үзвэл, Рио Де Жанейро их сургуулийн био лабораторийнхан цахирмаа, Бразилийн Атлантын далайн эргийн ойн ургамал зэрэг 50 гаруй төрлийн ургамлыг нухацтай судлан энэ өвөрмөц исгүүрийг гаргаж авчээ. Энэхүү судалгаанд ургамлын молекулын олон янзын шинжийг нээж ашиглах онолыг үндэслэн аж үйлдвэрийн шинэ бүтээгдэхүүнийг бүтээсэн хэмээн Рио Де Жанейро их сургуулийн биофизикийн ухааны доктор Мауро Реберо танилцуулсан юм.
Мауро Реберо: "Судалгааны хэсгийн үүрэг бол ойн ургамлыг тоон системд оруулж, юуны түрүүнд төрөл бүрийн ургамлаас дээж аван, тэдгээрийн генийн бөөмийг тодорхой бичиж авна. Ингэж гений бөөмийг уншихад асар их хөрөнгө зарцуулдаг тул бид ажлын хажуугаар ургамлаас эфирийн дэгдэмхий тос үйлдвэрлэх терпений төрлийн бодис, ургамлын анхилуун үнэрийг гаргаж авах тухай судалдаг юм. Ингэж судлах явцдаа нэг төрлийн цахирмаа цэцгийн ген өөр нэг төрлийн үнэртэй өвсний гентэй яг адилхан байдгийг олж мэдсэн юм" гэжээ.
Тус лабораторийнхан гаргаж авсан генийг исгүүрийн DNA-д суулгаж судалжээ. Ийм исгүүр хөдөө аж ахуйн хүнсний бүтээгдэхүүний хаягдлаас ургаж, боловсроод хүчиллэг жимсний хальс шиг бодис болдог байна. Мауро Реберогийн танилцуулснаар, тэд иймэрхүү исгүүрийг ашиглан өндөр өртөгтэй анхилуун бодис бүтээж, үнэртэй ус үйлдвэрлэхэд хэрэглэх юм байна.
\Э.Цогзолмаа орчуулав\
Өдөр дутмын 
