2018 оны Хятад, Африкийн хамтын ажиллагааны чуулга уулзалтын Бээжингийн дээд хэмжээний хурал нээгдэв
2018-09-03 17:24:40  

3-нд Бээжин дэх Ардын их хурлын ордонд 2018 оны Хятад, Африкийн хамтын ажиллагааны чуулга уулзалтын Бээжингийн дээд хэмжээний хурал нээгдлээ. Хятад улсын дарга Ши Жиньпин Африкийн 53 орны удирдагч болон тэдний төлөөлөгч, НҮБ-ын ерөнхий нарийн бичгийн дарга Гутерриш, Африкийн холбооны зөвлөлийн дарга Факи, олон улсын болон Африкийн бүс нутгийн 27 байгууллагын ажиглагчид тус хуралд оролцож байна. Ши Жиньпин хуралд гол сэдвээр үг хэлж, Хятадын засгийн газрын өмнөөс Хятад, Африкийн хувь заяаны хамтын цогц байгуулах бодит үзэл баримтлал дэвшүүлж, Хятад, Африкийн хамтын ажиллагааг эрчимжүүлэх Хятадын санаачлага, авах арга хэмжээг зарлалаа.

 

Энэ удаагийн дээд хэмжээний хурал хамтран ажиллаж хамтдаа ашиг олж, Хятад, Африкийн хувь заяаны улам нягт харилцаа тогтоох гол сэдвээр болж, ирэх гурван жилийн Хятад, Африкийн хамтын ажиллагааны тэргүүлэх салбар, гол талыг төлөвлөх юм.

 

 

Баатар орчуулав