Өвөр Монголын Шилийнгол аймгийн малчин Билэгтийнхэн говь нутагт үе дамжин амьдарсаар иржээ. Элс манх ихтэй энэ нутагт гүний усны төвшин доор байдаг бөгөөд сүүлийн арваад жил хур бороо багасаж, шороон шуурга нүүр нүдгүй гуядах болсноор хамар хатгах өвсгүй болох хэмжээнд хүрчээ.

Байгаль орчныг хамгаалах, нөхөн сэргээх ажил сүүлийн жилүүдэд эрчтэй явагдаж байгаатай холбоотойгоор Билэгт ч тачирдсан нутгаа ногоон бүрд болгохоор зориг шийдэж, 2016 оноос эхлэн Ордос, Алшаа зэрэг газруудаас алтан харгана, заг, шар бургас зэрэг чих нахиа худалдан авч нутгийнхаа хөрсөнд суулгахын зэрэгцээ олон аргыг туршин халшлахгүй ашигласны дүнд нүцгэн манханд нь амиллын өнгө татсан билээ.