Зам дагаж хөгжил гэдгийг жинхэнэ утгаар нь харуулаад байгаа газар бол Сьчуань мужийн Жинь-Ян шянь юм. Өндөр уулын дунд жалга судаг сүлжин орших тосгод нь үндэсний зэрэглэлийн ядуу бүс байлаа. Уулын гүнд цацагдсан шагай шиг хэдэн тосгон нь авто замаар холбогдоно гэж тосгоны ардууд зүүдлээ ч үгүй бөгөөд үүнийгээ заяа хэмээн итгэчихсэн байлаа. Харин сүүлийн жилүүдэд орон нутгийн засгийн газар ядуурлыг бууруулах бодлогын дагуу зам тавих ажлыг онц чухалчлан үзэж, уулыг сүвлэн, жалгыг залган тосгон бүрээ авто замаар холбон авчээ. 2019 оны байдлаар тосгон хооронд 329.9 километр хатуу хучилттай зам, шянь, сууринтай холбогдсон 866.8 километр авто зам тавьж, тосгоны ардууд хөдөө аж ахуйн бүтээгдэхүүн, нутгийн онц гаралт, гар урлалын бүтээгдэхүүнээ зах зээлд нэвтрүүлж, зарим тосгон нь хөдөө орон нутгийн аялал жуучлалыг хөгжүүлж эхэлжээ.