Хятадын эртний түүхийн нэгэн онцгой үе болох гурван улсын үеийн түүх соёлыг харуулахыг зорьсон “Гурван улсын шастир” тусгай үзэсгэлэн Бээжин хотын Зууны мандал уран зургийн галерейд зохиогдож байна.

Гурван улс гэдэг нь манай эриний 220-280 оны хооронд Хань гүрэн мөхсөний дараа Вэй, Шү, Ү гэх гурван хүчин зэрэгцэн оршиж, олон жилийн турш дайн байлдаан хийсэн байдаг. Дараа нь Жинь гүрэн бүхнийг нэгтгэж, дайны хөл үймээнд дарагдсан он жилүүд дуусгавар болов. Гэлээ ч эдгээр жилүүдэд маш олон түүхэн баатар жанжин төрөн гарч, түүх соёл, урлаг, уран зохиолд ихээхэн хөрөнгө өвлүүлж өгчээ. Энэ үеийн түүхэн хүмүүсээр сэдэвлэн туурвисан “Гурван улсын үлгэр” түүхэн роман нь Хятадын эртний сонгодог уран зохиолын дөрвөн оргилын нэг хэмээгдэн үе үеийн хүмүүс шамдан уншсаар байна. Мөн үеийн түүхээр сэдэвлэсэн үлгэр, жүжиг, шүлэг дуулал, уран зураг ч олон бий. Одоо та бүхэн уг үзэсгэлэнд тавигдсан гурван улсын үеийн түүхэн олдворууд болон соёлын үнэт өвтэй танилцана уу.