Ирээдүйн зүг хамтдаа. Бээжингийн өвлийн олимпын зохион байгуулах хорооноос санаачилж, Хятадын Коммунист Залуучуудын Эвлэлийн Бээжин хотын хороо Бээжин хотын Гадаад харилцааны алба, Бээжин хотын гадаадтай найрсгаар харилцах нийгэмлэг, Бээжин хотын Шинжлэх ухаан технологийн нийгэмлэг, Жанчхүү хотын намын хороо, захиргаатай хамтран зохион байгуулсан 2022 оны Бээжингийн өвлийн олимп дөхөж буйг үеэр зохион байгуулсан “Залуучууд ба Олимп” Бээжингийн найрсаг хотуудын олон улсын залуучуудын онлайн уулзалт хийгээд “Хамтын ирээдүй” олон улсын залуучуудын солилцооны лагерь 11-р сарын 27-29-ний өдөр Бээжинд болж, 59 улс орны олон улсын 36 байгууллага болон гадаад дотоодын залуучууд “онлайн+оффлайн” хэлбэрээр арга хэмжээнд оролцлоо.
Тус арга хэмжээний нээлт 11-р сарын 28-нд Бээжингийн Яньчи нуурын олон улсын хурал үзэсгэлэнгийн төвд явагдаж, зохион байгуулагч байгууллагын холбогдох албан тушаалтан нар оролцов. Зохион байгуулагч талынхан энэ удаагийн үйл ажиллагаанд оролцсон олон орны залуучуудын төлөөлөгчдийг тавтай морилохыг уриад, Бээжингийн найрсаг хотуудын олон улсын залуучуудын солилцооны лагерийг байнга турш дэмжиж ирсэн байгууллагуудад талархал илэрхийлжээ.
Уулзалтын үеэр Бээжин болон Жанчхүү хотын залуучуудын төлөөлөгч үг хэлж, бодит үйл ажиллагаагаар өвлийн олимпын сайн дурын үйлчилгээнд оролцон, өвлийн олимп амжилттай зохион байгуулагдахад залуучуудын хувь нэмрийг оруулахаа илэрхийлэв.
Хятад-Мальдивын соёлын нийгэмлэг, ХБНГУ-ын Бранденбург мужийн залуучуудын спортын холбоо зэрэг олон улсын байгууллагын албан тушаалтан илтгэл тавьж, 2021 оны найрсаг хотуудын олон улсын солилцооны лагерь амжилттай зохион байгуулагдахыг хүсээд, эв нэгтэй хамтран ажиллаж, хамтдаа сайн сайхан эх дэлхийг бүтээн байгуулах, хөгжүүлэхийг олон улсын байгууллага болон залуучуудад хүсэв.
Энэ үеэр Монголын Үндэсний Олимпын Хорооны төлөөлөл онлайнаар илтгэл тавьж, Монгол улсын төлөөлөгчдийн бэлтгэлийн талаар танилцуулж, 2022 оны өвлийн олимпын тэмцээнүүдээр “Өндрөөс өндөр, хурднаас хурдан, хүчтэйгээс хүчтэй, хамтдаа” гэдэг тэмцээний зориг санаа харуулахыг хүсэв.
Хятадын Коммунист Залуучуудын Эвлэлийн Бээжин хотын хорооны дэд дарга, Хятадын уран гулгалтын спортын нийгэмлэгийн дарга, уран гулгалтын олимпын аварга Шэнь Шюэ арга хэмжээний үеэр илтгэл тавьж, олон хүндрэл бэрхшээлийг даван туулж, цуцалтгүй хичээн чармайсны дүнд олимпын аварга болж чадсан түүхээсээ хуваалцан, олимпын үзэл санааны дагуу мэрийн тэмүүлэхийг залуучуудад хүслээ.
Гурав хоног үргэлжлэх эл арга хэмжээний үеэр залуучуудын яриа уулзалт, цас мөсний спорт болон соёлтой танилцах, залуучуудын хамтарсан цэнгүүн зэргийг зохиож, найрсаг хотуудын залуучууд хамтдаа урагшлах, хамтдаа хөгжихийг ахиулахыг зорих юм.
Эх сурвалжийн дагуу, Бээжингийн найрсаг хотуудын олон улсын залуучуудын солилцооны лагер арга хэмжээг анх 2012 оноос эхлэн зохион байгуулж, энэ жил 10 дахь удаагаа угтан авч, 60 гаруй улс орон, бүс нутгийн 1500 гаруй залуучууд оролцжээ. Энэ оны арга хэмжээ нь найрсаг хотуудын залуучуудад хандан хамтын ирээдүй, хамтдаа цас мөсний спорт болон өвлийн олимпыг танин мэдэх урилгыг илгээсэн нь найрсаг хотуудын индрээр дамжуулан өөр өөр улс орон, байгууллага хоорондын харилцаа холбоог нэмэгдүүлэн, залуучууд олимпын үзэл санаатай танилцах, олон талт соёлтой танилцахыг дэмжих зорилттой бөгөөд залуучуудын харилцаа холбоо, яриа хэлцлийг ахиулан, залуучууд хоорондын хамтын ажиллагаанд гүүр холбоосыг байгуулахад эерэг ач холбогдол өгсөн байна. \Болор, Уртнасан\