28-ны өдөр Хятадын Үханий соёл жуулчлалын анхны экспо амжилттай болж өндөрлөлөө. Гурван өдөр үргэлжилсэн экспо нь соёл жуулчлалын салбарын шинэ хөгжлийг чухалчлан анхаарч, тус үзэсгэлэнд соёл, аялал жуулчлалын салбарын 1062 аж ахуйн нэгж оролцож, давхардсан тоогоор 100 мянга орчим хүн зочилсноор, өвлийн улиралын Жянчэн хотын хамгийн халуун сэдэв болжээ.

Энэ бол хөгжөөнтэй мөртөө ер бусын соёл жуулчлалын найр юм. Үхань хотын олон улсын яармагийн төвд нийт 60 мянга орчим ам метр талбай бүхий үзэсгэлэнгийн танхим ажлуулж, "Үзэсгэлэнт Хятад орноор аялахуй", "Баатарын хот Үхань" зэрэг 8 томоохон үзэсгэлэнгийн талбай байгуулж, 247 лангуу ажлуулж, 1062 байгууллага нэгж үзэсгэлэнд оролцсон байна. Үзэсгэлэнд 30 муж, өөртөө засах орон, хотын захиргаа болон Хонконг, Макао, Тайваний бүс нутаг, мөн Жинань, Гуанжөү зэрэг 4 хот урилгаар оролцжээ. Тус арга хэмжээнд Орос, Франц, Өмнөд Солонгос зэрэг 15 орны аялал жуулчлалын салбарынхан болон олон улсын аялал жуулчлалын байгууллагууд оролцсон байна.

Хятадын Үханий соёл жуулчлалын яармагийг ХКН-ын төв хорооны суртал ухуулгын газар, Соёл жуулчлалын яам, Хүбэй мужийн засгийн газар хамтран зохион байгуулав. Энэхүү арга хэмжээ нь Үхань хотод удаан хугацаагаар нутагшиж, цаашид хоёр жил тутамд нэг удаа зохион байгуулагдах болно.