Сэтгүүлч 30-ны өдөр ӨМӨЗО-ны Манжуур хотод болсон КОВИД-19 халдвараас урьдчилан сэргийлж хянах тухай хэвлэлийн бага хурлаас мэдээлснээр, 30-ны өдрийн 00:00-14:00 цагийн хооронд Манжуур хотод халдварын 34 тохиолдол шинээр бүртгэгдсэн байна. Одоогийн байдлаар, Манжуур хотод орон нутгийн халдварын 73 батлагдсан тохиолдол шинээр бүртгэгдээд байгаа ажээ.
Одоогийн байдлаар, Манжуур хотод батлагдсан бүх тохиолдлуудыг тусгаарлан эмчлэхээр боомтын эмнэлэгт шилжүүлээд байна. 30-ны өдрийн 12:00 цагийн байдлаар, ойрын хавьтлын нийт 2740 хүн, дам хавьтлын нийт 1410 хүнийг илрүүлээд байна.
29-ний өдөр Манжуур хот нуклейн хүчлийн хоёр дахь шатны их хэмжээний шинжилгээ хийж, нийт 154084 хүнээс дээж авч, одоогийн байдлаар 15 эерэг тохиолдол илэрсэн байна. 30-ны 08 цагт Манжуур хот нуклейн хүчлийн их хэмжээний шинжилгээг гурав дахь удаагаа хийж, 30-ны 12:00 цагийн байдлаар 73851 хүнээс дээж авсан байна.