БНАСАУ-ын арми дайны бэлэн байдалд оров

Солонгосын төв цахилгаан мэдээлэх агентлагийн 21-ний өдөр мэдээлснээр, БНАСАУ-ын дээд удирдагч Ким Жун Ун 20-ний орой Солонгосын Ардын армийн өмнөд фронтын нэгдсэн армид 21-ний өдрийн 17 цагаас бүрэн зэвсэгт байлдааны бэлэн байдалд орж, өмнө фронт дайны байдалд байх зарлиг буулгав.

Мэдээнд дурдсанаар, Америк БНСУ БНАСАУ-ын эсрэг улс төрийн үйл ажиллагаа явуулж, цэргийн өдөөн хатгах ажиллагаа өрнүүлж байгаа нь улс орныг дайны ирмэгт хүргэж байна. 8-р сарын 4-ний өдөр БНСУ мина дэлбэрсэн хэрэг гэгчээр шалтаг болгон БНАСАУ-ын эсрэг сэтгэл зүйн дайны радио нэвтрүүлэг явуулж, БНАСАУ-ын эсрэг хүчнийг дайчлан сөрөг сурталчилгаа хийж байна. Солонгосын эсрэг хийж байгаа сэтгэл зүйн дайн бол улайм цайм түрэмгийллийн үйл ажиллагаа юм. БНАСАУ-ын тогтолцоог эвдэх гэсэн улс төрийн өдөөлт мөн. Ийм учраас Солонгосын ардын армийн ерөнхий штабын газар 20-ны өдөр БНСУ-ын Батлан хамгаалах яамд эцсийн тулган шаардах бичиг илгээж, 48 цагийн дотор сэтгэл зүйн дайны нэвтрүүлгээ зогсоож, бүх хэрэгслээ татах аваачихгүй бол цэрэг дайны хүчтэй арга хэмжээ авах болно гэжээ. БНСУ-ын тал 20-ны үдээс хойш БНАСАУ гал нээсэн гэх зохиомол хэрэг үүсгэж, БНАСАУ-ын нутаг уруу хэдэн арван их бууны сум харвасан байна гэжээ.

Мэдээлэлд тэмдэглэхдээ, Солонгосын хөдөлмөрийн намын төв хорооны цэргийн зөвлөл 20-ны орой яаралтай хуралдаж, нүүрлэж байгаа аюулыг хэрхэн зохицуулах талаар авч хэлэлцлээ. Ким Жун Ун хурлыг даргалсан бөгөөд холбогдох зарлиг буулгаж, өмнө фронтод илгээх командлагчийг томилсон байна.