Буудлын цонхон доогуур урсах голын чимээ их л тод сонсогдож байсныг бодоход их ширүүн урсгалтай болоод тэр үү, эсвэл энэ орчин ийм анир чимээгүй болохоор тэр үү гэдгийг төдий л ялгаж чадсангүй. Ямар ч байсан Яо Ли тосгоны дүнзэн модон байшинд нам унтаж хонолоо. Аяллын зам маань цааш үргэлжилж, 5 дахь өдрийн өглөө Ван Хү хэмээх экологи аялал жуулчлалын бүсийг зорилоо. Энэ бол Яо Ли тосгоны байгалийн үзэсгэлэн төгс бүрдсэн газар. Хамгийн гол онцлог нь унаган ой бөгөөд 100-300 настай хөгшин модод үргэлжилж, 100 гаруй төрлийн ургамал ургасан байдаг тул "Ургамлын вант улс" гэсэн сайхан нэртэй болжээ. Эндхийн бараг бүх модон дээр ургамлын нэр усыг хятад, англи 2 хэлээр зэрэгцүүлэн бичсэн байх бөгөөд байгаль эхийн заяасан гүн хавцал, түүнийг даган урсах тунгалаг горхи, олон хүрхрээ зэрэг нь жуулчдын хувьд зургаа татуулах хамгийн сайхан орчин болдог байна. Бид ч зургаа татуулж дурсгал болгон үлдээлээ.
1 2 3 4 5 6 7 8 9 
Өдөр дутмын 
