Гvйжєvгийн уул хайрхануудын дундуур туналзан урссан гол горхи, асгаран чутгасан оргилоо хvрхрээтэй байдгаараа нэн ч vзэсгэлэн байдаг. Хятадын хамгийн том хvрхрээ болох Хуан Гєєшvv хvрхрээ Гvйжєv мужид байрлаж байгаа юм. Зуны цагт ная гаруй метр єргєн голын ус нь, далан дєрвєн метр хадны оройгоос доош асгаран буух нь, гол мєрєн цалгиж, тэнгис далай ойлон давалгаалж байх шиг сvрлэг vзэмжтэй. Асгарсан хvчит ус нь хадан дээр тусхалаар, аянга нижгинж байгаа шиг их дуу гарч, усны униар манан хvдэн нь зурвас зурвас солонго татаж этгээд гоёхон харагдана. Євлийн цагт ус нь татархаар, Хуан Гєєшvvгийн хvрхрээ нь єєр нэг янзын vзэмжтэй болох юм. Голын ус намуухан бууж, намирсан цагаан дурдан шиг маш vзэсгэлэнтэй харагдана.

    Хуан Гєєшvvгийн хvрхрээгээс ємнєш гурван цаг хиртэй явбал, уул ус уялдан нэгдсэн vзэсгэлэн сайхан Ма Линхээ голын том хавцалд хvрэх юм. 70 гаруй км урт хавцлын дундуур, усан хvрхрээ цутгалан бууж, номин ногоон хулсан ой цэлгэрэн vргэлжлэж, хайлшин агуйнууд залгалдан байрлаад ёстой гоё. Хавцлын хоёр эргээр асга єндєр уул хад сэхvйлцэн, хєхєє шувуу уяхан дуугаар донгодно. Энэ хавцлын дунд та тайван суж, єндєр уулын дундуур мяралзан урсах урсгал усны дууг чангнаж болох юм. Бас сэлvvцэн алхаж, байгаль эхийн урлан бvтээсэн уул усны vзэсгэлэнг сонирхож болох юм. Эсгvvл хавцлын дундахь урсгал дээгvvр жижиг завь сэлэн, давалгаанд шунбах тоглоомоор тоглож болох юм.

    Гvйжєv бол олон vндэстэнтэй муж юм. Энд Миао vндэстэн, Бу-и vндэстэн, Дvн vндэстэн зэрэг арван зургаан цєєнх vндэстэн аж тєрєн амьдарч байна. Vндэстний цєєнхийн баялаг агуулгатай соёл болон vзэсгэлэн сайхан уул ус нь хослон жигдрээд, Гvйжєvгийн євєрмєц онцлогтой vзэмж болж байна. Гvйжєvгийн аль нэгэн тосгонд хvрсэн ч, тэндэхь євєрмєц онцлогтой барилга, уран нарийлаг оёсон хувцас хунар, vндэстний баялаг агуулгатай соёл болон дуу бvжиг нь таны сонирхолыг татах юм.

    Жилийн дєрвєн уларилд энэ нутгийн уул ус номин єнгєєр цэлгэрч, зун болбол олон єнгєт усан лянхуа цэцэг мяралзан дэлгэрч, муралзан тахирласан чулуун гvvр, vзэсгэлэнт тинц цэцгийн ертєнцєд жигдрэн, загас жараахай лянхуа цэцгийн доогуур жирвэлзэн сэлж, сэрvvн салхины сэвэлзээнд сэтгэл сэргэж ядаргаа тайлагдах юм.