Шиньжянгийн дуурийн театрын тоглосон "Мөст уулнаас ирсэн зочин" гэдэг үндэстний хөгжмийн том хэлбэрийн жүжиг нь хөгжим бүжиг ший жүжгийг хамтруулан, арми ардын загас усны мэт гүн нягт харилцааг уянгалан дуулсан байна. Гуаншигийн Лиү Саньже гэдэг хамтлагийн тоглосон "Лиү Саньже" гэдэг дуурийн жүжиг нь Жуан үндэстний дууны дагини гэж алдаршсан Лиү Саньжегийн үлгэрийг хөгжимт жүжгийн илтгэх аргаар уран сайхан харуулсан байна. Үүнээс гадна Тайваний Юньмэнь бүжгийн хамтлагийн тоглосон "Улаан асрын зүүдэн" гэдэг том хэлбэрийн бүжгэн жүжиг, морин хийлийн нэрт хөгжимчин Ма Ююгийн тодруулалт хөгжмийн концерт зэрэг сонгодог программууд ч үзэгчидтэй золгож байна.

     Олон улсын урлагийн Хятадын Шанхайн наадмын нөлөө тусгал улам өргөжихийн хирээр дэлхийн нэрт хамтлагууд үүнд улам олноор оролцдог болсон байна. Олон улсын урлагийн Хятадын Шанхайн төвийн ерөнхий захирал Чэнь Шэнлай хэлэхдээ, удаа болгоны наадмын тал хувь гаруйн боломж тохиолыг гадаадын уран бүтээлчидэд олгодог бол манай бичигдээгүй журам болсон зүйл юм. Энэ жилийн 45 концертын 23 нь гадаадынх юм уу Хятадын болон гадаадынх хамтарсан концерт болно. Үүнээс гадна манай зохион байгуулсан тоглолтын олон улсын яармаг, үзэсгэлэн зэрэг наадмын бүх төсөлд бүр олон улсад олгох хэмжээ нь маш өндөр юм гэжээ.

     Тус наадамд оролцсон Австралийн "Шатаж байгаа шал" гэдэг том хэлбэрийн бүжгэн жүжиг нь үзэгчдийн анхаарлыг их татсан байна. Үүнээс гадна Германы Баеришес гэдэг үндэсний балет бүжгийн чуулгынхан сонгодог балет бүжгийн хааны титмийн эрдэнэ шигтгээ гэж алдаршсан "Раимонда" гэдэг балет бүжиг үзэгчидтэй золгохоор байна. Америкийн Синсиннатигийн симфони хөгжмийн чуулгынхан үзэгчидэд киноны хөгжим сонсгох хосгүй сайхан концерт өргөн барихаар байна. Хамаг сүүлд нь дэлхийд оройн чимэг нь болж яваа Берлиний филармонийнхон тоглож тус наадмыг өндөрлүүлэх болно.

     Олон улсын тоглолтын Шанхайн яармаг бол Олон улсын урлагийн Хятадын Шанхайн наадмын чухал бүрэлдэхүүн хэсэг юм. Үүнд 30 гаруй улс орон газар нутгийн олон улсын урлагийн нэрт наадам, тоглолтын менежрийн байгууллага зэргийн 400 гаруй төлөөлөгч тус яармагт оролцсон байна. Белгийн Роиал Флемиш Фихармоникын зохион төлөвлөлтийн ерөнхий хянагч Геерт Рием хэлэхдээ, бид Японд олон удаа тоглосон. Өнөө Азид нэн их зах зээл хайж байна. Шанхайн наадам нь Мексик, Америк зэрэг олон орны наадамтай адилгүй боловч маш их амжилттай болсон байна. Хятадын зах зээл Европынхонд улам их нээлттэй болж байна. Бидэнд хамтран ажиллах боломж гарсан гэжээ.