Настайчуудын намрын аялалдаа болгоомжлох зүйлүүд

     1. Хэтэрхий ядарч зүдэрхээс болгоомжлох: Настайчууд тасралтгүй аялал жуулчлал хийх юм бол ядарч зүдрэн, тамир тэнхээ алдан, хөлс их гарч, толгой эргэн нүд эрээлжлэх, зүрх дэлсэх зэрэг өвчний байдал илэрдэг байна, энэ үед нэн даруй аялалаа зогсоож, амрах хэрэгтэй юм. Зүрх судасны өвчинтэй настайчууд бол нэн илүү өөрийгөө өөрөө хамгаалах хэрэгтэй юм.

     2. Хүнсний зүйлээр дамжин өвчинд нэрвэгдхээс болгоомжлох: Газар болгоны амтат сайхан идээ ундаа, нутгийн сайхан боов боорцог зэргийг амталхаас биш сонирхосон бүхнийг идээд улмаар хэтэртэл зооглох юм бол хоол боловсруулах эрхтэнд тань нөлөөлөх болно. Үүнээс гадна, идээ ундаа ариун цэвэр байх эсэхийг анхаарч, цэвэр бус юм уу, түүхий, хүйтэн хүнсний зүйлийг идэхгүй байж, элэгний үрэвсэл, чацга алдах, хижигт нэрвэгдэх зэргээс болгоомжлох хэрэгтэй.

     3. Хувцас хунараа цагт нь тохируулж өмсөх: Намрын улиралд өглөө оройдоо сэрүүн болж, хүйтэн халууны зөрөө нэмэгдэн, хуурай амьсгал нэмэгддэг. Настайчууд цаг агаарын хувиралтад амархан зохицох талаар тааруухан байдаг болохоор ханиад зэрэг амьсгалын замын өвчинд хялбархан нэрвэгддэг,иймээс намрын цагт аялал жуулчлал хийхээсээ өмнө хувцас өмсгөлөө цаг агаарт зохицуулан өмсч, гар зуур эдэлж хэрэглэх зүйл эм бэлдмэл зэргээ гүйцэд бэлтгэсэн байх хэрэгтэй. Очсон газар болгоныхоо цаг агаарын хувиралтыг дагаж хувцас хунараа солиод биеэ байнга хамгаалж явах хэрэгтэй.

     4. Санаандгүй шархдаж эндхээс болгоомжлох: Настайчуудын хөл гар төдийл бушуу шаламгай биш болсон байдаг болохоор амархан шархдаж осолдох тохиолдол гарч болзошгүй юм. Иймээс намрын цагт аялал жуулчлал хийхдээ хамгийн сайн нь хань найзтайгаа явж, өвчинд нэрвэгдэх юм уу санаадгүй явдал тохиолдвол харж харгалзах хүнтэй байх нь зөв биз.

     5. Хуучин өвчин сэдрэхээс болгоомжлох: Настайчууд олон жилийн ужигшсан өвчинтэй байдаг нь ч аргагүй юм, жирийн цагтаа эм бэлдмэлээр нохой хориод байж болдог боловч намрын аялал хийхдээ эм уухаа тасалдуулах юм бол хуучин өвчин чинь дахин сэдэрч улмаар даамжруулж болзошгүй юм. /Л.Буянтогтох орчуулав/