Бор-Төмөр: Заа их баярлалаа. Үүний тухай ярих юм бол ийм байна. 1964 онд, анх радио нэвтрүүлгийн ажилд ороход надад их бэрх санагдаж байсан юм. Энэ ажлыг сайн ойлгохгүй байсан юм. Тухайн үед Төвөөс Хятадын радиогийн хэрэг эрхлэх газрын боловсон хүчний газраас Ли Дэфү гэдэг хүн Өвөр монголын Хөх-Хотод ирж хүн авах болсон байна. Ингээд надыг сонгож, шалгалтад оруулсан юм. Энэ шалгалтыг даваад надыг төвд ажил шилжүүлэх болсон юм. Эхлээд Өвөр монголоос ажил шилжүүлж авчирсан хүмүүсийн дотор манай хамгийн ахмад Чулуун, энэ хүн уулдаа Өвөр монголын радиогийн монгол хэлний хэлтсийн даргаар ажиллаж байсан, Амарсайт \олонхий хүмүүс Толь гэж дууддаг\ , энэ хүн Төвийн радио хорооны үндэстний цөөнхийн хэлний монгол хэлний дугуйлангийг эрхлэж байсан, Лавх-Сүрэн, энэ хүн бол Төвийн радио хорооны анхдагч монгол нэвтрүүлэгч болох юм. "Ардын төв радио хорооноос яриж байна" гэж анх удаа ярисан хүн болох юм. Үүнээс гадна нэвтрүүлэгч Бумаа, Өвөр монголын радио хорооны монгол хэлний нэвтрүүлэгч байсан. Зандраа, Хөлөн буйрийн радио хороонд нэвтрүүлэгчээр ажиллаж байсан.