Түн ли гэсэн жижиг суурин нь Хятадын аялал жуулчлалын алдарт хот Сүжөүгээс арван хэтхэн км зайтай байрлаж байна. Мянга гаруй жилийн түүхтэй болсон энэхүү жижиг суурин бол Жянсу мужийн одоо болтол маш бүрэн бүтнээр нь хамгаалан үлдээсэн усат нутгийн эртний суурин юм.

     Түн ли шиг ийм усат нутагт гүүр бол маш эрхэм зүйл юм гэж тухайн орон нутгийн хүн ноён Жан Фүшэн бидэнд хэлсэн юм.

     Манай Түн лигийн айл болгон усаны хөвөөнд амьдарч, гэр гэрийн үүднээс бяцхан завь явж байна гэж хэлж болох юм. Энэ суурины хаа хамаагүй устай. Манай суурины талбай том биш ч гэсэн арван таван жижг нарийхан гол манай сууринаар урсан өнгөрч байгаа юм. Эдгээр голын хөндий нь манай сууриныг долоон жижиг арал болгон хувиаж, эдгээр арлууд нь мөн дөч гаруй эртний гүүрээр холболдож байгаа юм гэжээ.

     Ноён Жан Фүшэнгийн хэлсэнчлэн, Түн ли нь адил бус үед байгуулагдсан эртний жижиг гүүрүүдээр холболдож, жижиг суурины дотор гудамж болон гол зэрэгцэн байрлаж, гүүр болон зам холболдон, хэсэгхэн алхан явахад, нэг мэдхэд хэд хэдэн гүүрээр өнгөрсөн байх юм. Эдгээр гүүрүүдийн дотор 700 гаруй жил болж байгаа " Фү гуань гүүр"-ийг хамгийн ахмад гүүр гэж нэрлэж болох юм. Энэ гүүр олон зуун жилийн салхин борооны элэгдэл өнгөрөөсөн ч маш бөх хэвээр хүн арддаа үйлчилж байна. Энэ суурины олон гүүрийн дотор ганц хүний явах гүүр буюу "Дү бү чиао" гэсэн гүүр байдаг. Тэр гүүр хоёр метр ч хүрэхгүй урт бөгөөд дүнгэж ганц метр өргөн байдаг болохоор хоёр хүн зөрхөд, нэг нь ташаалдан өнгөрөх хэрэгтэй юм байна.