" Фү гуан чиао" гүүрийн тухай маш олон домог байдаг гэж жуулчлалын хөтөч Ван Чиао хүүхэн бидэнд ярьсан юм. Тэрээр хэлэхдээ:

    Энэ гүүр дээр " тоорын цэцэгт далайн усан дах загас" гэсэн чулуун сийлмэлтэй. Энэ сийлмэлийн тухай нэгэн сайхан домогтой. Уламжлал домог ярианд, 3-р сард тоорын цэцэг дэлгэрэх үеэр, нэгэн мөргө загас Лүн мэн хаалгаар үсрэн гарч аршийн оронд хүрэхийг сансан гэнээ. Яг ингэж хүч мэдэн Лүн мэн хаалгаар үсэрч байхад нь гүүрэн дээгүүр явж байсан гоё хүүхэнийг харж сэтгэл хуваагдсанаар, хагас хир л үсрээд, хамаг эцэст толгой нь лууны толгой болон хувирч, бие нь загас хэвээр хоцорсон юм байна гэжээ.

     Түн лийд эртний олон гүүр байхаас гадна хуучин байшингууд ч маш гоё харагдаж байна. Бүх суурины дөч гаруй хувийн байшин нь зуу гаруй жилийн түүхтэй болж байгаа юм байна. Эдгээр байшины дотор Түй сь юань гэсэн эртний орон сууцыг ЮНЕСКО-ээс дэлхийн өвийн жагсаалтад оруулсан байна.

     Түй сь юань бол Хятадын Чин улсын үеийн тушаалаасаа огцрогдсон нэгэн албаны хүний 19-р зууны үед нутагтаа буцаад байгуулсан хувийн цэцэрлэгт хүрээлэн юм.

    Түй сь юань хүрээлэнгийн талбай нь маш жижиг, 0.6 хирийн га байгаа хэдий ч түүнийг зохион төлөвлөж байгуулсан урлагчин нь Хөх-мөрний өмнөх усат нутгийн онцлогийн дагуу, газрын байцыг нь дагуулан, уран нарийлаг сэтгэж бүтээсэнээр, энэхүү жижигхэн цэцэрлэгт хүрээлэн нь хүмүүст алхам бүрд өнгө үзэмж нь солигдон, маш гоё санагдуулна. Хүрээлэн доторхи байршил нь усаар гол болгож, тал хувийг эзлэх усаны хөвөөгөр нь асар тагт, жижиг саравч байрлан, холоос харахад тэдгээр барилга нь номин цэнхэр усан дээр хөвж байгаа ч юм шиг. Энэ гоё жижигхэн цэцэрлэгт хүрээлэн нь ёстой л манай орны өмнөд нутгийн уран бүтээл гэж хэлэхэд буруудахгүй.

     Жуулчин хүүхэн Ли Лү бидэнд Түй сь юань цэцэрлэгт хүрээлэнгийн тухай ингэж гүн сэтгэгдэлтэй хэлсэн юм. Тэрээр хэлэхдээ:

     Өмнөд нутгийн бусад цэцэрлэгт хүрээлэнгээр ч би явж байлаа. Эндэх нь маш сайхан санагдаж байна. Түй сь юаний агаар амьсгал маш ариун тунгалаг, бас нам сэлүүхэн, энд ирсэн чинь сэтгэл санаа сэргэж, ядаргаа зүдрээ тайлагдсан шуу байна гэжээ. /Пэрлаймаа найруулан орчуулав/