2000 гаруй жилийн өмнө Лао Зи бомбын сургаалыг үүдэж, хожим нь мөн Хятадын эртний нэрт сэтгэг Жуан Зи бомбын сургаалыг уламжлан залгамжилж хөгжүүлээд бомбын сургаалыг Хятадын эртний гүн ухааны түүхэнд чухал байр суурь эзлүүлж, Хятадын соёлд алс гүн үр нөлөө үзүүлсэн юм.

     Жуан Зи Жөү гэдэг нэртэй аж. Тэр бол манай тооллын 4-р зууны Хятадын байлдаант улсын үед амьдарч байсан хүн юм. Тухайн үед Хөү улсуудын тэмцэл маш ширүүн байсан явдал нь эрдэмтэн мэргэдэд эрдэм ухаанаа хэрэглэх их хэмжээний боломж бололцоо хангаж байсан аж. Тэр үед эрдэмтэн нар олон улсын хооронд зорьчиж, өөр өөрийн улс төрийн үзэл баримтлалаа сурталчилж явсаар аль нэг хаан юм уу ноёнд тоогдоход хүрвэл нэн даруй өндөр албанд дэвшиж, эгэл иргэн биш эрхэм ноён болдог байжээ. Түг түмэн сэтгэл амаргүй байсан тэр цагт Жуан Зи олон эрдэмтнээс өсөд өөр зүйлийг хүсэн мөрөөдөж, хүний амьдралд бусдаас тас өөр байр суурь баримталж байсан ажээ.

     Жуан Зи ном их уншиж маш их эрдэм боловсролтой болсон тул өгүүлэл зохиолыг туйлын сайн бичдэг байв. Эрдэм боловсролоо ашиглах юм бол тэрээр тун хялбарханаар дээд ноён болох байсан боловч ертөнцын хар амьдралыг голж, үзэл санаа эрх чөлөөтэй байхыг эрэлхийлж байжээ. Нэг удаа тэрээр сайн найз, Вэй улсын туслагч байсан Хүй Шиг эргэж үзэхээр мордсон чинь Хүй ши Жуан Зийг өрийнх нь байр суурийг булиахаар очлоо гэж санаад хүн илгээж Жуан Зийг бариулах гэж их хөөж туусан аж. Жуан Зи Хүй Шитай уулзаад ядахдаа царай ч хувилсангүй нэг үлгэр хэлж өгсөн байлаа: "Алсын хүслэнтэй нэг том шувуу байсан гэнэ. Тэр шувуу өмнөд далайгаас хойт далай орох замдаа уд модон дээр л бууж амардаг бөгөөд хулсны жимсийг л идэж, рашаан булгийн усыг л ууж үнээс бусдыг эдлэхгүй явсан аж. Хяргуй үхээд ялзарчигсан нэг хулгана олчхоод толгой дээгүүр нь нисэн өнгөрөх том шувууг олж үзээд энэ үхсэн хулганыг нь булиах гэж байгаа юм байна гэж бодоод тэнгэр өөд харж их дуу гарч тэр том шувууг сүрдүүлсэн гэнэ" гэжээ. Жуан Зи нэр ашгийг үхсэн хулганаар үзэж, хүн зуршсан дадгаалаасаа гарч, үзэл санаагаа нэн чөлөөтэй байлгахаар тэмцэх хэрэгтэй гэж үздэг байжээ.

     Үзэл санааны талаар Жуан Зи, Лао Зийн бомбын сургаалын гүн ухааныг амжилттай залгамжлан хөгжүүлж, байгальлиг хэвийн байхыг зорьдог байв. Лао Зи бомбыг түмэн бодисын эх үүсвэрээр үздэг байсан. Жуан Зи ч бомбыг орчлонгийн ул үндэсээр үзэж, бомбыг түмэн бодисын оршнон тогтнох, өөрчлөгдөж хувьрах иш үндэс мөн. Орчлонгийн түмэн бодис янз бүрийн байдаг боловч бүр нэг цогцод хамрагдна хэмээн үздэг байв. Хүнд авч хэлбэл эрхэм дээд эгэл доод, их бага, үхэж амьдрах, үнэн худлын зөрөө гэдэг бол бүр харьцангүй зүйл, түмэн бодис бүр нэг цогц болох үзэлтээс үзвэл альваа зөрөө гэдэг нь ямар ч утга учиргүй болно гэж үзэж байжээ.