Цагаан сарын долоон хоногийн урт амаралт нь нэг жил ажил амьдралынхаа төлөө божгинан яарч явсан хүмүүст гадагш жуулчлалаар аялах аятай боломж тохиол хангадаг юм. Гадаадад жуулчилж байгаа нь энэ оны цагаан сарын хэрэглээний захын нэг том онцлог болоод байна. Хятадын зүүн хойт нутгийн Мүгдэн хотод нутагтай Чи Рүй бол гэрлээд удаагүй хүн юм. Чи Рүй сурвалжлагчид хэлэхдээ, цагаан сарын үед бид гэртээ суухгүй, Шянганд жуулчлах бодолтой байна гэжээ.

     "Цагаан сарын үеэр бид Шянганд очиж тэндэхийн байдалтай танилцаж, бараа бүтээгдэхүүн худалдан авъя гэж бодож байна. Шянганд нэрт маркийн бараа бүтээгдэхүүн их байдаг, цагаан сарын үеэр бас үнэ хямдруулан зардаг нь хэрэглэгчдэд авч хэлбэл маш сайн үйл хэрэг юм. Disny цэцэрлэгт хүрээлэн ч Шянганд ажиллаж байгаа болохоор, тэнд хүрч хөөр найрыг сонирхох хүсэлтэй байна. Энэ удаа бараг 30—40 мянган юань зарцуулах байх гэж бодож байна" гэж тэр хэллээ.

   Хятадын Олон Улсын Аялал Жуулчлалын Агентлагийн зах зээл танилцуулах газрын дээд зэрэглэлийн захирал Жан Шүө хэлэхдэ: "Өнгөрсөнд хүмүүс гэр гэртээ цугларан найрадаг байсан бол, одоо энэхүү уламжлалд маш их өөрчлөлт гарч байна. Зонхилох хүмүүс цагаан сарын хугацаанд ялангуяа битүүний өдөр гадагш зугаалахаар явах боллоо. Энэ жилийн цагаан сард аялал жуулчлалын өрнөлт болох учраас манай ашиг орлого ч сайн байх болно" гэжээ.

     Хятадын Ардын Их Сургуулийн эдийн засгийн дээд сургуулийн профессор Гао Дэ-бү хэлэхдээ, цагаан сарын хугацааны хэлэглээ нь эдийн засгийн өсөлтийг зохих хэмжээнд ахиулсан байна гэлээ.

     "Таваарын чанартай хэрэглээ болон үйлчилгээний чанартай хэрэглээ нь цагаан сарын хугацаанд маш ихээр нэмэгддэг учраас бүхий л зах зээлд маш их ахиулах үүрэг гүйцэтгэдэг юм" гэж Гао Дэ-бү тэмдэглэжээ.

     Сүүлийн жилүүдэд Хятадын эдийн засаг түргэн өсч, хот хөдөөгийн иргэдийн орлого нэлээд ихээр дээшлэхийн хиээр, иргэдийн хадгаламж ч тогтвортой нэмэгдсэн байна. Ийм байдалд хөдөө нутаг ч цагаан сарын хугацаанд хэрэглээий оргил үед орох болсон юм. Хятадын баруун нутгийн Шаньши мужийн тариачин Шин Хуа цагаан сарын үеийн зарлагынхаа тухай сурвалжлагчид ингэж танилцуулсан байна.

     "Би эмийн ургамал тарьдаг, энэ жил 5000 юань цуглуулсан. Хүүхэддээ шинэ хувцас авч өгөхөөс гадна бас мотоцикл авъя гэж бодож байна" гэж тэр хэллээ. /О.Дарамбазар орчуулав/