Өнгөрсөн зууны 80-аад оны үеэр, Лиу Шиочнь нь Хятадын хамгийн нэр алдартай кино жүжигчиний нэг байсан юм. Гэвч сүүлээр нь Лиу Шиочинь кинонд тоглохоо болиж, худалдаа наймаа хийж удаа дараалан нэр хүндээ алдаж, гаалиас дутаасан хэргээр шоронд 400 гаруй хоног хоригдсон байна. 10 жилийн дараа, Лиу Шиочинь кинондоо эргэн ирж, олон түмэн үзэгчидийн сайшаал магтаалыг хүртсэн байна.

     Энэ жил 50 шүргэж яваа Лиу Шиочинь хүний амьдралын халуун дулаан, хүйтэн нойтоныг шүд зуун тэсвэрлэн тэмцсээр ирсэн байна. Тэрээр ярихдаа:

    "Би өөрийн биедээ итгэлтэй, зориг эрмэлзлэлтэй явбал аливаа үйлс эрт орой хэзээ нэг цаг амжилт олно гэдэгт итгэдэг. Хэрвээ хүн өөрийн биедээ ч итгэлгүй болбол, бусад хүн түүнд яаж итгэх билээ? Би олон төрлийн ажил хийж үзсэн, гэвч кино жүжигчин болох нь надад хамгийн тохиромжтой ажил мөн гэдгийг ухаарч мэдсэн юм. Би 6 удаа Хятадын киноны хамгйин өндөр шагналыг хүртсэн юм. Энэ нь намайг өөртөө нэн итгэлтэй болгосон юм." гэжээ.

     Лиу Шиочинь Хятадын дунд нутгийн Чүнчни хотод төрж өсчээ. 1975 онд, Лиу Шиочинь "Өмнөд тэнгисийн цагаан хэрэм" гэдэг кинонд анх удаа гол дүрд тоглосон байна. Тухайн үед, Хятад улсад яг "Соёлын их хувьсгал" болж байсан болохоор бүх Хядтад улс даяраа хэдхэн кино хиййсэн учраас кино жүжигчид киноны дүрд тоглохоор ихээхэн өрсөлдөж байжээ. Лиу Шиочинь өөрийн итгэл зориг болон авьяас чадвараараа кино найруулагчийн санаанд хүрч дээрхи киноны гол дүрд тоглох жүжигчинээр сонгогдож, мөн ч маш амжилттай сайн тоглосон байна.