Хятад Бразилийн хамтаар судлан үйлдвэрлэсэн газрын бөмбөрцгийн эх баялагийн хиймэл дагуулийг одоо яг өргөнөөр ашиглаж байна. Уг дагууль нь Хятад жич холбогдох улс орны судалгаа шинжилгээ хийж, нээн ашиглах, нутаг дэвисгэрийн эх баялагийг удирдан хамаарах талаар үйлчилгээ хангах зэрэгт ашиглаж байна.

    Газрын бөмбөрцөгийн эх баялагийн дагууль бол газрын бөмбөрцөгийн байгалийн эх баялагийн хайн хэмжиж, судалгаа шинжилгээ хийхэд ашигладаг хиймэл дагуулийг хэлдэг. Тэр нь хөрсний давхаргийг нэвт хараж, хүмүүсийн олж харахгүй хөрсөн доорох эх баялагийг тодруулж, ой шугуй, далай тэнгис, агаар мандал зэргийг хянан ажиглаж, байгалийн гамшигийг уридчилан мэдээлэх зэрэгт хэрэглэдэг байна.

    Өнгөрөгч зууны 90-ээд оноос Хятад улс Бразилитай хамтран газрын бөмбөрцөгийн эх баялагийн дагууль судлан үйлдсэн байна. 1999 онд Хятад бразилийн газрын бөмбөрцөгийн эх баялагийн 1-р дагуулийг амжилттай хөөргөж 4 жилийн дараа 2-р дагуулийг ч амжилттай хөөргөн 1-рыг орлуулжээ.

    Бразилаас Хятадад суугаа элчин сайдын яамны консул Дуат Мотеро хэлэхдээ,
Энэ хамтын ажиллагаа нь Бразили Хятад хоёр орныг газрын бөмбөрцөгийн эх баялагийн дагуулийн салбарт дэх дээд техникийг эзэмшүүлж, байгаль орчины асуудал болон гамшигийг хянан тодлох чадавхийг дээшлүүлж, хоёр орны хөгжлийн шаардалгийг хангахад чухал ач холбогдолтой юм гэжээ.

    Хятад Бразилийн газрын бөмбөрцөгийн эх баялагийн дагуулийн хянан хэмжисэн тоо баримтуудыг Хятад улс хөдөө аж ахуй, ойн аж ахуй, усан аж ахуй зэрэг олон салбарт өргөнөөр ашиглаж, ил тод нийгмийн үр ашиг болон эдийн засгийн үр ашиг олсон байна. Хөдөө аж ахуйн талаар авч хэлвэл, уг дагуулийг тарималын ургацын талбай болон ургацын байдлыг хянан хэмжих, гаралтыг төсөөлөх зэрэгт ашиглаж байна.

    Хятадын Шанши мужийн алсаас мэдрэх төвийн дарга Ли Вэнкэ танилцуулж хэлэхдээ, сүүлийн 6 жилийн турш бид хөдөө аж ахуйдаа Хятад Бразилийн газрын бөмбөрцөгийн эх баялагийн дагуулийн хянан хэмжисэн тоо баримтуудыг их хэмжээгээр ашиглаж ирсэн байна.

    Хятад Бразилийн газрын бөмбөрцөгийн эх баялагийн дагуулийн хянан хэмжисэн тоо баримтууд үнэ хямд, цаг тухайд нь тоо баримтуудыг авч чаддаг, мөн ч хөдөө аж ахуйн үйлдвэрлэлийн шаардалгийг хангаж чаддаг зэрэг хэдэн онцлогтой гэжээ.