Саяхан Хятадын төрийн номын сангийн зураглан хэвлүүлсэн " төрийн номын сангийн Дүн-хуангийн хуучин ном"-ын том зурагт 30 боть номыг уншигч олонтой золгууллаа. Энэ бол Дүн хуангийн мондог их номуудыг хэвлүүлэх төлөвлөгөөний анхны алхам болох юм. Дүн-хуангийн хуучин ном сударуудыг хүн амьтанд харуулахгүй далд хадгалж байсанаас нь илээр хэвлэлд оруулж байгаа нь Хятадын эрдэм шинжилгээний ажилтад эртний үлдэгдсэн хуучин ном судрыг засан сэргээх, хамгаалах болон судалгаа шинжилгээ хийх талаар ил тод ахицтай болсоныг харуулж, энэ нь эрдэм шинжилгээний салбарын маш их анхаарлын төвд орсон байна.

     1900 онд Хятадын баруун хойд нутгийн Гансу мужийн Дүн-хуангаас таваас арван нэгдүгээр зууны үеийн Хятадын эртний үлэмж их ном судар олсон болохоор, эдгээр ном судрыг " Дүн-хуангийн гэрээс ном" гэж нэрлэсэн юм. Хятад, Түвд, санскрит зэрэг хэлээр бичигдсэн эдгээр хуучины номд Хятадын эртний үеийн шашин, одон орон газар зүй, түүх, соёлын үйл явдлыг тэмдэглэсэн болохоор эртний Хятад орон болон зүүн Азийн нийгмийн амьдралыг судлах эрхэм нандин материал болсон байна. Түүнээс хойших хорь гарй жилд дайн дажин зэрэг шалтгаанаас болоод Дүн хуангийн үлэмж их хуучин номууд гадаадын хүний гарт орж, өнөө дэлхийн 40 гаруй оронд Дүн-хуангийн ном байгаагын дотор Англи, Франц, Орос, Японд хамаг олон байгаа юм байна.