Ноён Жан Цжи-шин бол уг номын сангийн хааны ном судрыг хамгаалах газрын дарга, эртний ном бичиг хамгаалах алдарт мэргэжилтэн хүн юм. Энэ мэргэжилтэний танилцуулсанаас үзэхэд, Дүнхуангийн эртний ном судрыг сэргээн сэлбэхэд Хятад оронд л байдаг олон төрлийн уламжлалт аргыг хэрэглэсэн бөгөөд зөвхөн ганц хуудас номыг уг хэвд нь оруулахын төлөө нэг хүн хэдэн сар оролдсон тохиолдол ч гарсан юм байна. Иймэрхүү сэлбэн сэргээх ажил нь гадаадынхны хялгасан тороор торлох, хөвөөлөх зэрэг аргатай өсөд өөр байдаг бөгөөд бүх явцыг нь дахиж болох учраас, хожим ирээдүйд нэн сайн сэргээх арга олсон үед, эдгээр засварласан хэсгийг баллаж, дахин шинэтгэж болох юм байна. Энэ арга нь олон улсын ажил мэргэжил нэгтэдийн нотлогоог хүлээж, олон орны номын сангийнхан хүн томилон ирүүлж, Хятадын хуучин ном засаж байгаа мэргэжлийг суралцуулсан байна. Нэгэнт хэвлэгдсэн 30 гаруй боть номоос үзэхэд, маш тодорхой сайхан байна. Жан Жи-чин хэлэхдээ:

     " Дүн-хуангийн хуучин номыг маш тодорхой мөртөө бүрэн бүтэн хэвлүүлж гаргах гэсэн бол бидний үүрэг мөн. Ийм байдалд бид агширмал бичил филлянкаар зураг авч туршиж үзсэнд маш сайн байсан юм. Дүн-хуангийн хуучин номууд он удсан тул их олон боть нь маш хуучирсан мөртөө тасарч үлтэрч, бас хир суусан болохоор хуудас хуудасаар нь ялгахад маш бэрхтэй. Бид энэ удаа хэвлэх яс чанарын талаар маш олон ажил хийж, энэ асуудлыг үндсэнд нь зохицуулсан юм гэжээ.

     Сурвалж бичгийг хамгаалах талаар, ялангуяа хамгаалах ажлыг шинжлэх ухаанч байлгах болон бат чанга байлгах талаар гадаадын ажил нэгтэдээс суралцах зүйл их байна гэж Төрийн номын сангийн үдмэл номыг хадгалах судалгааны газрын ажилтан ноён Лин Ши-тян үзсэн байна. Тэрээр хэлэхдээ:

     " Одоо бол дижиталын цаг үе болно. Олноороо дижиталчлахад соёлын ахуй байдал адилгүй, техник адилгүй, ухагдаахуун нь ч адилгүй юм. Олон улсын хамтын ажиллагаагаар дамжин, тэдний тэргүүний техник болон удирдах арга хэлбэрийг шууд сурч болох юм. Миний бодохоор удирдах арга хэлбэрийг зээлдэн оруулах нь хамгаас чухал юм гэжээ."

     Дүн-хуангийн хуучин номуудыг албан ёсоор дахин хэвлүүлсэнээр, гадаадынхны Дүн-хуанг судлахад маш их дөхөм үзүүлсэн юм. Нийслэлийн багшын их сургуулийн профессор Хао Чүн-вэн бол Дүн хуангийн судалгааны эрдэмтэн хүн. Тэрээр сэтгүүлчид ярилцлага өгөх үе хэлэхдээ:

     " Дүн хуангийн судалгаа нь эхлэнгүүтээ дэлхийн чанартай судалгаа юм. Дүн хуангийн судалгааны салбар маш өргөн, хүн хүний судалж байгаа сэдэв нь адилгүй. Хүн болгон өөр өөрийнхөө гол талыг судлаж байдаг юм. Бид харилцан сурч, мэдлэгээ өргөжүүлж болох юм. Үүнд олон улсын болгох нь хамаг чухал байгаа юм. Ямар нэг судлагаа гэсэнгүйбүр адилхан дэлхийн чанартай байдаг. Дүн хуан ч адил. Энэ бүлэг юмийг манай өвөг дээдэс үлдээсэн болохоор бид нэлээд гүнзгий судлах хэрэгтэй гэжээ. /Пэрлаймаа орчуулав/