Хятадын сурвалжлагчид Москва хотын төв дэх ардын армийн энэ дуу бүжгийн чуулгын сургуулилах газар хүрэлцэн очиход "Улаан армийн дайчид урт замын аян дайны бэрхшээлээс халшрахгүй" гэдэг дуун цуурайтна. Энэ дуу нь алс холоос хүрэлцэн очсон Хятадуудад маш халуун дотно санагдаж байлаа. 2006 онд Хятадад зохиогдох Оросын жилийн арга хэмжээний нэг болсны хувьд, уг чуулга нь Хятадын үндэстний баярын өмнөхөн Хятадад айлчлан тоглолт хийх гэж байна. Дуу бүжгийн чуулгын комиссар Михайл Александрович бидэнд танилцуулж хэлэхдээ, энэ онд Хятадад Оросын жилийн арга хэмжээ тохиож байна. Үүнээс гадна, Хятадын улаан армийн дайчдын урт замын аян дайнд ялалт байгуулсны 70 жилийн ой ч тохиож байна. Манай чуулга Хятадын Батлан Хамгаалах Яамны урилгаар энэ оны 9-р сард Хятадад айлчлан тоглох гэж байна. Үүнд зориулан бид идэвхтэй бэлтгэж, 70 хувийн программаа бэлэн болгоод байна гэжээ.