Дараа нь хуурмаг монголын засгийн газарт Дэмцэг-Донровын соёлын нарийн бичээчээр хэдэн сар ажилласан байна. 1945 оны 11-р сард Н.Сайн-Цогт Бүгд Найрамдах Монгол Ард Улст очоод Улаан-Баатар дах Сүх-Баатарын нэрэмжит намын шинэ хүчний дээд сургуульд хоёр жил шахам суралцасан байна. Энэ хугацаанд тэрээр "Эрх чөлөө", "Улаан-Баатар", "Саальчин хоёр дүү минь", "Үүр" гэх мэтийн шүлгүүдийг зохиож, Ө.Цолмон гэдэг нэрээр нийтлүүлж өнгөрсөн юм. Яруу найргийн талаар Н.Сайн-Цогт "Элс манхны эх нутаг", "Манай хүчирхэг дуун", "Хөх торгон тэрлиг", "Лү Сюнь минь", "Баярын дуулал", "Шулуун хөхийн тэмдэглэл" гэх мэтийн олон шилдэг шүлгүүдийг бичижээ. Түүний зохиосон яруу найргуудын дотор холбоо, дуу, шог жүжиг ч нэлээд бий.