"Харьд мордох охин"

     Буриадын уран баримлалын их мастер, зураач, гоёлын эдлэлийн дизайнч Даш Намдаков, Оросын Уран Бүтээлчдийн Холбооны гишүүн. Оросын Үндэстний Зан Заншлын Музей, Оросын Орчин Үеийн Уран Бүтээлийн Музейд Даш Намдаковын уран бүтээлүүдийг хадгалж байгаа бөгөөд Оросын Ерөнхийлөгч Владимир Путин, Татарстаны Ерөнхийлөгч М. Шаймиев, Москва хотын дарга Я. Лужков нар бас түүний уран бүтээлийг нандигнан хадгалж байгаа юм. Үүнээс гадна, Герман, Франц, Белги, Швейцари, Финланд, Япон, Америк зэрэг улс орны хүмүүс ч Даш Намдаковын уран бүтээлийг сонирхон хадгалж байдаг. Даш Намдаков бол дэлхий нийтээр хүлээн зөвшөөрсөн уран барималын болон уран зургийн их мастер юм. 2003 онд Оросын Урлагийн Академиас Даш Намдаковын урлагийн салбарт гармагай амжилттай, идэвх зүтгэлтэй ажилласныг нь сайшаан тэмдэглэж түүнийг мөнгөн медалиар шагнасан байна.