Та хэрвээ Хятад оронд ирж аялан жуулчлахдаа дэлхийн өвийн жагсаалтад жагсаагдсан өөр өөрийн онцлогтой гуч гаруй хотод хүрэх юм бол тэдгээр хотын өнгө үзэмж ёстой таны харааг булааж, өөрийн эрхгүй шагшин бахдах нь гарцаагүй. Тэдгээрийн дотор умард нутгийн тэгш тал дах Пинёо, өмнөд нутгийн усат газар Жөүжуан бол Хятадын эртний хот суурины төлөөлөгч юм. Энэ хоёр эртний хот хэдэн зуун жилийн өмнөх хуучин дүр төрхөө хэвээр хадгалан хамгаалж ирсэн нь эрдэмтэн Руан И-сантай холбоотой гэдгийг та бүхэн мэдэхгүй байхаа.

     Энэ жил 72-тай Руан И-сан бол Түнжи их сургуулийн профессор бөгөөд төрийн түүх соёлын нэрт хотын судалгааны төвийн эрхлэгч зэрэг үүрэг тушаалтай хүн юм. Руан И-сан " хорво ертөнцийн диваажан" гэсэн алдартай Сүжөү хотод төржээ. Сүжөү хотын уран нарийн байгуулсан иргэдийн орон сууц болон цэцэрлэгт хүрээлэн бол Хятадын сонгодог барилгын нийтлэг жишээ болох учраас хархан багасаа Руан И-сан өөрийн өсч төрсөн Сүжөү хотдоо маш хайртай байсан юм.