Руан И-сан тэнгэсийн цэрэгт цэргийн алба хааж байсанаа цэргээсээ халагдаад, 1956 онд Шанхайн нэртэй Түнжи их сургуулийн барилгын факультетэд шалгуулан орж, төгссөнийхээ дараа сургуульдаа үлдэн багшилжээ. Өнгөрөгч зууны 60-аад онд Руан И-сан багштайгаа " Хятадын хотын байгуулалтын түүх" гэсэн номыг найруулан бичих үүрэг авчээ. Анхны материалыг олохын төлөө тэрээр жил болгон маш их цаг гарган олон газраар судлагаа шинжилгээ хийж явдаг болохоор, түүний ул мөр Хятадын том жижиг хотод алдалгүй хүрчээ. Тэдгээр том жижиг хотын адил бус стель болон өнгө үзэмж нь түүний нүдийг нээлээ гэж хэлж болох юм. Тэрээр хэлэхдээ: " Тэр үед би бүх Хятадын олон газраар маш олон хотод хүрсэн, жил болгон гурав дөрвөн сар гадуур явж, зуны чөлөө болон өвлийн чөлөө болгондоо Хятадын газар болгоноор бүтэн эргэж, ингэж дөрөв таван жил хот хотоор явж байж, Хятадын хот үнэхээр гоё, өнө удаан түүх соёлтой байдагыг гүнээ ойлгож билээ. Өнгөрөгч зууны жараад онд тэдгээр хотууд үндсэндээ ямар ч хувьралтгүй уул хэвээрээ байж, унаган экологи нь янз янзын дүр төрхөө гайхуулж байсан юм.