1982 оны 7-р сард Шилийн хотод болсон Шилийн гол аймгийн 1024 бөхтэй их наадамд бүдүүн Раши Хөвөөт шар хошуугаа төлөөлөн барилдаад, хоёр Үзэмчиний Жаргал, Баатар, Бадам-Сүрэн зэрэг нэрт бөхчүүдийг ар араас нь цувруулан хаяад зургааг даван баруун Үзэмчиний нэрт бөх Алмаст унаж мянган бөхөөс 16-д шалгаран үлджээ. Бүдүүн Раши бөх барилдахын дагуу морь ч сайн уядаг юм. Тэрээр хошуу сумын найр наадамд бөх засагчаар олонтаа ажиллаж залуу үеийнхдээ өөрийн барилдах ур мэргэжлээ харамгүй өвлөж өгдөг юм. Нэрт бөх Билиг-Баатар зэрэг нь цөм бүдүүн Рашийн гар шавь юм.

     2000 оны 7-р сард Шилийн гол аймгийн монгол бөхийн наадамд Хөвөөт шар хошууны засгийн газар, бие тамирын зөвлөлөөс нэрт бөх бүдүүн Рашийн залуу зандан насандаа хол ойрын олон найр наадамд гялалзтал барилдаж явсан түүх намтрыг нь дуудан Хөвөөт шар хошууны дархан бөхөөр цоллосон байна. Ингээд бүдүүн Раши нутгийн дархан бөх өндөр Содваагаас уламжлан хүртсэн өлзийт зангаагаа отгон хөвгүүн Алдар-Цогтдоо юүлсэн билээ. Эднийх гэж ийм л гурван үеэрээ бөх улс аа.